Exposição colectiva de Natal na Galeria Porto Oriental

S/T augaforte IV

Detalle da exposición na Galeria Porto Oriental.

"S/T augaforte IV" estará presente na Exposição colectiva de Natal da Galeria Porto Oriental, de 8 de decembro de 2018 a 12 de xaneiro de 2019. Poderase visitar de terça-feria a sábado en horario de 15h a 19h. Rua Barros Lima 851, 4300-063 Porto (Portugal). Enlace á Galeria Porto Oriental.

Deseño do cd "De vila en vila" para o grupo Lirolai

Aquí van algunhas imaxes do deseño que realicei para o cd "De vila en vila", o segundo traballo discográfico de Lirolai, un grupo galego de música tradicional.

lirolai.com

facebook.com/grupolirolai

                                 

  

Obradoiro creativo de selos estampables

Dentro das actividades da Omix A Guarda, o sábado 26 de maio realizouse un Obradoiro creativo de selos estampables. Tiven a satisfacción de orientar durante tres horas sobre os procedementos básicos do tallado en relevo aplicado a tacos de goma, que posteriormente serían estampados como selos personalizados polos alumnos, neste caso alumnas na súa totalidade. Foi unha actividade moi gratificante que agardamos repetir. Aquí van algunhas imaxes do traballo.

 

"Paisaxe matriz II" seleccionada para a XX Bienal Internacional de Arte de Cerveira

"Paisaxe matriz II" by Alfonso Vicente Rey

"Paisaxe matriz II" foi seleccionada para formar parte da XX Bienal Internacional de Arte de Cerveira. En total foron escollidas 162 obras de 143 artistas. Obrigado pela seleção!

"Arte no queimado" arte solidaria contra o lume

Desde a primeira edición en Coruxo (Vigo) o 20 de xaneiro, "Arte no queimado" foi medrando como un acto de solidariedade artística e toma de conciencia ecolóxica. Seguindo esa liña  de creación espontánea celebráronse varios eventos solidarios entre artistas, que percorreron algunhas das parroquias afectadas por a vaga de incendios forestais que asolaron Galicia o pasado mes de outubro. Valadares, Sabarís, Vila Nova de Cerveira (Portugal) e finalmente Camos (Nigrán) son até agora as referencias dunha iniciativa promovida polo artista Juan Coruxo, que grazas ao apoio das diferentes Comunidades de montes, Concellos e á Fundação Bienal de Arte de Cerveira, no caso de Portugal, levaron a bo termo un proxecto cultural e social solidario cos municipios máis afectados polos incendios.
Aquí vos deixo algunhas imaxes da última xornada artística celebrada o sábado 21 de abril en Camos.

Un detalle da miña intervención en madeira queimada.

Segunda intervención, pintura sobre madeira queimada.

 

 

"Lepus et Corvus". Pintura em conjunto com Ricardo de Campos

En compañía do artista Ricardo de Campos na súa exposición "Apropriação, Acumulação, Anulação" no Fórum Cultural de Cerveira.

"Lepus et Corvus" foi o resultado da colaboración co artista Ricardo de Campos, unha obra que acabou formando parte, in extremis, da grande exposición individual que xa fora inaugurada o pasado 11 de novembro na Sala principal do Fórum Cultural,  "Apropriação, Acumulação, Anulação".
Obrigado!